فێرارییەکی جۆری 250 GT کە لە ساڵانی هەشتاکاندا بەکارهێنراوە لە فیلمێکی سینەماییدا بە ناوی "Ferris Bueller’s Day Off" هەفتەی ڕابردوو فرۆشرا بە ٤٠٠،٠٠٠ هەزار دۆلار. ئەوەی جێی تێڕامانە ئەم ئوتومبیلە ئۆرجیناڵ نییەو لەلایەن شەریکەی فێرارییەوە دروستنەکراوە، بەڵکو ئەمە بە مەبەستی بەکارهێنانی لە فیلمێکدا دروستکراوەو بە هۆی ئەوەی لە فیلمەکەدا کۆمەڵێک زەرەر بە ئوتومبیلەکە دەگات بەرهەمهێنەرانی فیلمەکە بڕیاریانداوە کە سێ دانەی لێ دروستبکەن بۆ ئەوەی تێچووی فیلمەکەیان زۆر نەبێت.

هەرچەندە ئەو بڕە پارەیە لە بڕێکی زۆر دەچێیت بۆ کۆپی ئوتومبیلێک کە هیچ پەیوەندی بە کۆمپانیای فەرمییەوە نییە، بەڵام ئەوەی بابەتەکە سەرنجڕاکێشتر ئەکات ئەوەیە کە ئەم ئوتومبیلەی فرۆشراوە یەکێکە لەو سێ دانەیەی کە لە فیلمەکەدا بەکارهێنراوە تەنانەت کەسیش نازانێت ئەم ئوتومبیلە لەکام مەشهەدی فیلمەکەدا دەردەکەوێت.